Nuus

· Miya Momberg (gr. het halwe kleure ontvang van die Wesstreek rakende Perdeskouspring. Baie geluk.

· Gielie Nel (gr. 11) het vanjaar weer sy Wes-Gauteng kleure vir Karate behaal. Hy neem ook deel aan die SA’s in Durban waar hy ‘n goue medalje in kumité behaal. Baie geluk!

· Michelle Viljoen (gr. was deel van die distrik se wenspan wat aan die Provinsiale Natuur- en Skeikunde Olimpiade deelgeneem het. Baie geluk!

· Baie geluk aan elke Florrie wat met die afgelope prysuitdelingfunksies vereer is vir hul jaar se harde werk. Ek is baie trots op julle.

· Eweneens wil ek die matrikulante komplimenteer met hul netjiese en keurige voorkoms tydens die matriekafskeid. Dit het luister aan die funksie verleen – baie dankie daarvoor.

· Cassie Rossouw (gr. 9) het pas aan die Wêreldkampioenskappe in Tang Soo Do Krygskuns (Karate) in Polo deelgeneem. Hy behaal 1 goue-, 2 silwer- en 4 brons medaljes. Cassie het ook onlangs in Swaardkuns goue medaljes op die Wêreldkampioenskappe behaal. Hy is met ander woorde ‘n dubbele wêreldkampioen. Skitterend, Cassie.

· Danika Stevens (gr. 8), Nadine Parker (gr. 11) en Jaco Eloff (gr. 11) het die afgelope naweek vir SA aan die Statebond se Karatekampioenskappe deelgeneem (22 lande het deelgeneem). Jaco behaal goud (in spankata), Nadine brons (in kata) en Danika ‘n silwer- en bronsmedalje (in kumité). Van harte geluk!

UITSLAE VAN DIE SAARA NASIONALE KAMPIOENSKAPPE – WOLMARANSTAD

Presisie Klas

• Heystek Grobler het algeheel in die 8ste plek die finale rondte van 10m olimpiese dissipline betree en op die 7de plek uitgestap. Dit besorg hom ook ‘n 3de plek O/20- ouderdomsgroep. In die 3p presisie kompetisie is hy algeheel in die 4de plek.
• Anzel vd Vyver kompeteer in die dames-afdeling en sy verbeter haar 8ste plek na ‘n 7de plek tydens die finaal. Dit besorg haar ‘n goue medalje vir die O/16-ouderdomsgroep.
• Jaco vd Vyver en Pieter le Roux het ook deelgeneem.

Sporter Klas

• Gerhard van Aswegen behaal die algehele 2de plek in die 10m olimpies sporter. In die finaal behou hy die 2de plek. Met 3p sporter is hy egter die algehele wenner!
• Izelle van Aswegen laat ook nie op haar wag nie en behaal in die 10m sporter 3de plek en in die finaal skuif sy verby na die 2de plek.
• Nina Grobler het ook in die 10m sporter geskitter en haar 4de plek behou tydens die finaal.