Bobby en Karlien van Jaarsveld gaan op Saterdag 3 Maart by Hoërskool Florida se buitelug verhoog optree.
Maak seker jy koop nou reeds jou kaartjies by die kafeteria.
Toegang: R100 per persoon en kinders onder 10 is gratis!
Moenie hierdie geleentheid misloop nie… kosstalletjies, biertuin en baie goeie vermaak!
Die groot projek van die jaar begin binne twee weke wanneer die administratiewe kantoor en vooraansig van die skool ‘n groot verandering ondergaan. Hierdie projek behoort sowat 6 maande te duur – ek vra by voorbaat verskoning vir die ontwrigting en moontlike ongerief.
Die kantoor sal na die hotelskool, en omliggende area skuif. Daar sal duidelike aanwysings wees om u te help.
Vir die duur van die projek gaan die hoofhek slegs toeganklik wees vir die kontrakteur en sy werkers. Die hek in Havengastraat sal oop wees vir die publiek en besoekers. Ongelukkig sal parkering soggens, en veral smiddae, vir ouers, wat binne die terrein vir hul kinders wag, beslis nie moontlik wees nie. U samewerking in dié verband sal baie waardeer word.
Die volgende nuwe personeel word hartlik by ons verwelkom:
| Naam | Vakgebied |
| Mnr. Eugene Jonker | Tegnologie en Lewensoriëntering |
| Mnr.Dewald Botha | Lewenswetenskappe |
| Mej. Minette Venter | RTT en Rekeningkunde |
| Mnr.Wi-André Erasmus | Lewensoriëntering |
| Mev. Natalie Janse van Rensburg | Geografie en SW |
| Mnr. DeWet Steyn | Lewensoriëntering (sport) |
| Mej. Anké Luus | Wiskunde |
| Mev. Jolette Beneke | Wiskunde |
| Mev. Audrey Roets | Engels |
| Mej. Lindrie van Heerden | Afrikaans en Lewensoriëntering |
Al die bogenoemde persone word net die beste toegewens. Mag u elkeen die warmte en vriendelikheid van die Florrie-gemeenskap ervaar en beleef.
