Nuus

Van harte geluk met jul eerste plek in die provinsiale rondte van die Eisteddfod! Ek is baie trots op julle en dankbaar dat jul elkeen deel kon wees van ’n groot geleentheid. Dankie vir elke opoffering wat julle gemaak het om te kon optree. Ook ’n groot dankie aan elke onderwyser wat ons gehelp het om hierdie geleentheid te kon meemaak. Ons waardeer dit!

Daar is nie vanjaar ’n nasionale rondte nie agv die Sokker-wedstryde. Jul kan dus nou lekker rus terwyl jul hard leer vir die eksamen! Daar lê twee koorfeeste voor in volgende kwartaal en ons afskeidskonsert ook.

Weer eens baie dankie aan al die ouers wat so mooi en geesdriftig gehelp het met die koorfees! Sonder julle sou die aand nie naastenby ’n sukses gewees het nie. Ek waardeer dit!

- Willemien Boll

Ons koor, Con Spirito, het die afgelope vakansie, tydens die finaal van die landswye koorkompetisie, ‘n algehele tweede plek behaal. Baie geluk aan elke koorlid – julle is almal sterre!

Julle is Provinsiale Kampioene! Veels geluk! Baie sterkte vir die Nasionale Kampioenskappe gedurende die Junie-vakansie. Dit vind plaas by die “Dome”. Mnr. Stephen Mogoai van die Onderwysdepartement sê dat julle hom BAIE trots gemaak het! (Hy is verantwoordelik vir ons streek). Mooi so! Sterkte vir die eksamen. Leer hard en doen jul bes.

CON SPIRITO Veels geluk, Spieries, met jul 80% én eerste plek by die Streek-kompetisie! Julle maak ons baie trots! Die Provinsiale kompetisie vind dié week plaas. Gaan geniet elke oomblik van die revue!Sterkte aan juf. Audrey en juf. Philanda en hul formidabele span vir die laaste optredes. Ons is trots op julle!