Hoërskool Florida het in 2023 die geleentheid vir leerders gegee om deel te wees van ons spog produksie, Joseph and the Amazing Technicolor Dreamcoat. Die produksie was vir drie aande op die verhoog in die Roodepoort teater en leerders het nie net nuwe vriendskapsbande gesmee nie, maar het ook die geleentheid gehad om die wêreld van regte teater te beleef. Joseph and the Amazing Technicolor Dreamcoat is ‘n musiekspel wat op die karakter van Josef in die Ou Testament gebasseer is. Daar word ook na die musiekspel as Joseph verwys. Dit was Tim Rice (lirieke) en Andrew Lloyd-Webber (musiek) se eerste musiekspel wat vir die publiek opgevoer is. Die produksie is 747 keer in Broadway en 243 keer in West End aangebied. Joseph and the Amazing Technicolor Dreamcoat, is al 20 000 keer deur verskeie skole en amateur teatergroepe op die planke gebring.
#florriemagic #florrietrots #musiek #musiekblyspel
