Inligting vir nuwe leerders
Musiek word by Hoërskool Florida se Musieksentrum aangebied soos volg:

IN SKOOLTYD: MUSIEK VERVANG SKEPPENDE KUNS (VERRYKINGSVAK) AS VAK:
Gratis onderrig vir Graad 8 & 9 leerders word gedurende die oggende in die verrykingsperiodes aangebied, as een van die afdelings van die verrykingsvakke.  Elke gr. 8 & gr. 9-musiekleerder moet egter ‘n musiekfooi vir die instandhouding van die instrumente en musiekapparaat betaal. 

Hierdie R500.00 per jaar is betaalbaar voor die einde van die eerste kwartaal.  Indien die leerder twee musiekinstrumente sou neem, bly die bedrag slegs R500.00.  Die instrumente wat gratis onderrig word is: klavier, viool,  trompet, Franse horing, tromboon en tuba.  Hierdie klasse word deur voltydse musiekonderwysers gedurende die oggende aangebied en daar kan net ‘n beperkte aantal leerders word op die skoolrooster ingepas.  Doen asseblief so vroeg moontlik aansoek.